Day Review - 26May08 | Hillsong United Live In Manila 2008

Nasa baba po yung tungkol sa HU, 7:10pm. thanks.
8:20am
Tumunog na yung alarm ng cellphone ko, pero nakatulog pa ulit ako nang mga ten minutes. Di na ako nakapag-stretching. Kumain na agad ako ng breakfast: Scrambled Egg (as usual). Tapos nagprepare na agad ako (naligo, nagbihis, nagtoothbrush). Mga 9:40am na ako natapos. Dumating na si Kem sa amin nung mga 9:50am, nakamotor sya. Una, hiniram muna namin yung printer ng church kila NayGunyung, yun kasi ang gagamitin namin sa pagpiprint ng tickets sa concert namin. Tapus pumunta na kami sa SM. Pagtinign ko sa cellphone ko nung nasa jeep kami, may text pala si Vez. Sabi nya nakita daw nya kami ni Kem na naka-motor, tapus nasa elementary skul daw sya ng Sto.Tomas. Sabi namin ni Kem:"edi nka-enrol kna? hehe"
Bumaba na kami sa SM Sta.Rosa. Pinuntahan agad namin yung SM TicketNet. Bibili kasi kami ng ticket para sa Hillsong United para kila Jessica at Angel (At Vez, pero di pa sure). Medyo kabado pa kami sa paglapit namin sa teller. Nung una naming tinanung si ate na teller, sabi nya wala na daw tickets sa HU (short for Hillsong United). Medyo nagulat ako, pero pinilit ko pa din. Sabi ko, "e sa Generel Admission po?", baka kasi ibang ticket ang tinignan nya. Pagtingin nya, mga nasa 420 pa ang tickets. "Hayy, buti na lang" sabi ko sa sarili ko. mas inexpect ko kasi na wala na para kung wala na nga, hindi na ako masyado magugulat. Nagprint na si ate ng dalawang tickets tapos nagbayad na si Kem tapos binigay na samin yung tickets saka yung receipt saka yung lalagyan ng tickets. Ang daya nga e, ang linaw nung pagkaka-print nung ticket nila, yung sa amin kasi na galing kay Laudemer medyo burado na, tapos may lalagyan pa yung sa kanila. Weh. Dalawa lang muna ang binili namin kasi hindi pa talaga sure si Vez. Tinext namin sya, sabi namin sa kanya meron pa. Sabi nya w8 lng daw kami, kaya naghanap na muna kami ng cartridge na gagamitin sa printer. Mahal pala ang original na cartridge ng Canon, kaya naghanap kami ng pa-refill. Itinuro kami nung tindera ng CDR-KING sa Ink-King yata yun, basta yung sa 2nd floor na malapit sa Eat Street. Sabi naman ni ate dun, P500 daw ang pa-refill ng cartridge sa Canon. P500 lang ang budget namin, eksato lang pala. Weh. Sabi ko magpaprint na lang kami para mas maka-mura. Sayang yung pagkakahiram namin nung printer, pero ok lang, ibabalik na lang namin yun. Bumili muna kami ng papel na pagpapaprintan ng ticket sa National Bookstore. Tapus nagtext na si Vez, pinayagan na daw sya, Kaya pumunta ulit kami sa TicketNet. Pagpunta namin dun, may bumibili din ng ticket, pero para sa High School Musical. Ewan ko ba dun, ang tagal makipag-transact. Mga 30 minutes yata kami nakatayo dun, may mga sinasabi pa sya tapus may kausap pa sya sa cellphone nya. Weh. Pagkatapus nya, nakabili din kami ulit nang isa pa. Tinext ni Kem si Vez:
"Vez! Wala na











..wala nang makapipigil
sa atin mmya!"
Reply ni Vez:
"anu?! wala nang tiket?!
di ko gets nabura qna e
pakisend ulit!"
hehe. tapos nagreply kami kay Vez na iiscroll-down nya yung text. Sinend din ulit ni Kem yung text. ayun nabasa na ni Vez pagkareply nya. hehe.
Bumili kami ng waffle dun sa Waffle Time, ang favorite snack nila Nikko. Nag-reminisce kami sa pagkain nun kasama si Emman at Nikko at Eryl. hehehe.
Umalis kami ni Kem sa SM nung mga 12:30pm. Dumerecho na sya sa skul, tapus bumaba na ako sa Olivarez.

1:15pm
Pagka-uwi ko, kumain na ako ng tanghalian, tapos naghugas ng kinainan. Naglaba naman si Dady, kaya tumulong ako sa pagsasampay. Medyo sinisipon ako nun, kaya nung nagsasampay ako, napa-bahing ako habang nakakapit sa sampayan. Ayun, naputol yung sinasabitan ng sampayan namin. mga bandang 4:20pm na yun. Asar talaga, 1 hour na lang aalis na kami papuntang Araneta, na-abala pa kami sa sampayan. Sabi sakin ni Dady, "grabe naman yung pagbahing mo, ang lakas."
Rush mode tuloy ako sa pagbabanlaw nung mga damit na nahulog. Sinampay ko ulit yun sa ibang sampayan, tapos nagprepare na ako ulit. Mga 4:40pm na kami nakaalis ng bahay. 4:30pm ang usapan namin ng mga sasama sa Araneta, buti na lang advanced naman yung relo namin ng mga 15 minutes. Sinundo na namin yung mga taga-Southville, tapus si ateJuvy sa Barangay Hall, tapos sila kuyaJon, Al, Melky, at Vez sa church. Sabi ni mamBeth, ikamusta daw namin sya kay Darlene Zschech. hehe. Pumunta na kami...

5:10pm
Tumigil muna kami sa palengke para bumili ng kaunting pagkain. Tapos derecho na kami sa Araneta Coliseum, ang lugar na pagco-concertan ng HU. Nabalitaan ko yung concert nila sa profile ng KKB Sta.Rosa sa Friendster. Tapus ayun na, kung saan-saang website na ako nakarating. lagi na dn akong bumibisita sa unitedmanila08.multiply.com para sa updates ng tickets. Nung magka-pera ako, pinilit ko na si Kem na manood kami, hanggang sa nagka-ayaan na lahat. Kaya 13 kaming nasa sasakyan namin:ako, si Dady (pero di sya nanood), si Kem, AteDeeJay, Grace, Al, Vez, Joseph, AteJuvy, Jessica, Angel, KuyaJon, at si Melky.

7:10pm
Ibinaba na kami ni Dady sa harap ng Araneta Coliseum. Hinanap namin yung gate ng General Admission, tapos pumasok na kami. Nag-CR muna kaming lahat. Naunang kaming natapos (boys) kaya nagpicturepicture muna kami. hehe. Nung kumpleto na yung girls, pumasok na kami sa door number 7, kung di ako nagkakamali.
"Wow, so this is Araneta Coliseum. At dun sa stage na yun tutugtog ang HU."
Ang layo namin sa stage. But what do we expect. Nasa General Admission kami e. Ayus lang, yung music naman kasi ang mahalaga para sa amin. Syempre, picturepicture ulit. Mababa lang yung level nung sahig sa Upper Box B sa General Admission, tapos may nakikita pa kaming mga tumatawid, kaya pinlano naming tumawid para mas malapit ang view namin. Pero hindi namin tinuloy, baka mahuli e, first time pa naman namin nila Vez manood sa Araneta. May apat na projector sa loob. May naka-flash pa nga na message sa projector na bawal daw kumuha ng video at audio sa loob. Ehh, baka once in a lifetime lang to e, kaya kumuha pa din kami ng mga videos at photos. Pasaway talaga. :)

8:15pm
May tao na pumunta sa stage. Taga-Winners Circle Ministries daw sya, yung group na nag-organize ng concert. Inendorse nya yung album ng HU, yung The I Heart Revolution: With Heart As One saka may kasama daw na tshirt yun for P600. Tapus nag-opening prayer sya. Sumigaw yung crowd (kasama ako dun) ng AMEN!!! pagkatapos ng prayer. Sabi nya din magsisimula na rin daw yung concert in a short while.

The time of praise and worship with Hillsong United - 8:26pm-11:05pm
Pinatay na lahat ng ilaw. Tapus pagkabukas ng spotlight, nasa unahan na si Joel Houston, may hawak na Bible. Sabi nya, "Sing unto the Lord a new song" tapus nagsigawan na yung mga tao. Ang dami mong makikitang mga flash ng camera. Hanngang sa may hawak na syang acoustic guitar, tapos kumanta na sila ng The Time Has Come. Hindi ko masyado alam yung kanta, pero naririnig ko na din yun. Konting part lang ang nasabayan ko. Tapos tinugtog na nila yung Break Free, ang pinakahihintay namin ni Vez. Vinideohan ni Vez yun, yun kasi ang pasalubong namin kay Cye.
Nakatayo kaming lahat hanggang matapos ang concert, except ako saka si Al, merong mga 15 minutes na umupo muna kaming dalawa. Meron silang mga kinta na hindi namin alam, kaya medyo nagkulitan lang kami nun. Dun nga sa Look To You, nagpicturepicture kami, e nakulitan yung babae na nasa unahan namin. Sabi nya samin, "Guys, guys, I think you're quite disturbing. Quiet down, okay?? Just worship." Tigil kami e. Tapos humarap ulit samin. Sabi nya naman,
"Just look up in the sky so high. Okay??"
"Yes, ma'am." sabi ni Vez.
Tumahimik talaga kami nun.
--Ate kung sakaling mabasa mo to, sorry po talaga. Ako po yung naka-jacket na green na nasa likod nyo na makulit.--
Sunod nun, pagka nag-uusap na kami nila Al, pabulong na.

I sang some of the songs with all my heart. Yung Hosanna saka yung buong kanta na From The Inside Out saka yung bridge nung Came To The Rescue saka yung Shout Unto God, kahit hindi ko sigurado yung lyrics.

Syempre, sa mga rakrakan songs tulad ng Tell The World at What The World Will Never Take, sigawan at talunan kami dun. Kung hindi man kami tumatalon, sumasabay kami sa handclap ng crowd. Nakakatuwa talaga, ang sarap mag-praise at worship kay Lord kasama ang thousands of people (mga nasa 18,000 daw ang tao nun sabi ni Laudemer sa multiply). Nakaka-bless talaga ang HU.

Nung mga kalagitnaan nung concert hanggang sa patapos na, laging sumisigaw yung crowd ng "ONE WAY! ONE WAY! ONE WAY!". Yun ang second to the last song na kinanta nila. Inumpisahan ni Joel Houston yun sa chorus, tapos tuloytuloy na. Solution yung huling kanta na kinanta nila.
"Wo-o-oh, God be the Solution
Wo-o-oh, we will be Your hands and be Your feet..."

11:05pm
Lumabas na kami. Tinext ko na si Dady na palabas na kami. Medyo nagkasalisi pa, kaya tumambay muna kami sa McDo sa Farmers' Plaza (tama ba?). Dun kasi kami dadaanan ni Dady. Habang naghihintay kami pinanuod namin yung mga videos na kinuha namin.

11:45pm
Nakasakay na kami sa sasakyan namin, tapos umuwi na kami. Nagstop-over muna kami sa Petron para sa konting snacks. Ah ako saka si Jessica saka si Joseph lang pala ang bumili ng pagkain. Tapos hinatid namin sila sa mga bahay nila. Nakitulog muna si Vez kina Al, kaya dun na sya bumaba sa Altarez.

1:25am, 27may08
Hayy nakauwi na din...what an experience. Pagkatanggal ko ng sapatos ko, uminom ako ng mga tatlong baso ng tubig. Tapos nagbihis na ako. Nag-account muna ako ng expenses at balances bago ako natulog ng 2:30am. Hayy...Salamat Lord dahil pinayagan mo kaming makasama sa concert ng HU. Salamat po talaga. ü

Nandito yung iba pa naming photos...click nyo na lang kung gusto nyo tignan. ^^